TINGOG SA SUBA: Mao diay

mao diay. mao diay
mao diay. mao diay

mao diay ‘ning
atong mga senatong
ug mga tongressman
dagko og mga balay

aw, mansions diay
nagkalata pud ilang mga sakyanan
abi nimo nag-negosyo
og taxihan

duna pud sila’y resthouses
sa tuktok sa bukid o sa beach
sanna ma-bitch!

ang ilang asawa (ambot pila)
sa Hong Kong mopalit
og panty ug bra
dalhon ang barkada
compliments, sa magbabalaod
nga bana
pero pundo alang unta
sa mag-uuma.

salamat sa pork barrel
ningtambok pati driver,
kabit ug gardener.

Mao diay. Atay!

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments