Ang akong kasakay sa jeepney
gikan pa sa Leyte
milagro kuno siya nalowas
pero mga silingan dimalas
wala na makit-an ang uban
unya nanimaho ang kasagbotan
wala na’y tawo sa ilang barangay
kay wala nama po’y mga balay
mura daw sila’g gi-washing machine
daw imposibli duna pa’y nabilin
busa sa bus siya ning-sakay
pauli sa Agusan nga iyang panimalay
maglisod siya’g katulog magabii
daw duna’y mopukaw niya permi
iagi nalang niya og rosary
nakatabang kuno gabi-gabii
dili na siya mobalik sa Leyte
anhi na lang dinhi kauban pamilya ug paryenti
mananom na lang og lagotmon
pilay palad puhon
makabangon ra gihapon.
