WebClick Tracer

TINGOG SA SUBA: Ang Basakan

Nag-minghoy intawon ang mag-uuma
nga nagsud-ong sa basakan
nga sa baha gilunopan

naanod ang bag-ong tubong humay
walay nabilin bisan gamay
murag dagat kung tan-awon
pero lapok ang ilalom

ang sumpay nga subdivision
samot ang sitwasyon
ang tubig lapas sa tuhod
mogawas ka kalisod

ming-awas ang tubig sa highway
delikado sa motor ug kotse
hinay-hinay lang pre
sa kanal dili ka libre

mao ni dangatan
kung ang basakan sagolan sa subdivision
ang tubig ug lapok bisan asa mokamang
purhisyo sa tanan

sa kadugayan wala na gyuy basakan
mga mag-uuma wala na’y katamnan
baha, housing ang kalaban
hinaut unta dili ‘ta magutman
sa kaulahian.

(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback