WebClick Tracer

TINGOG SA SUBA: Bag-ong Abogado

Ang akong amigo
nakapasar pagka-abogado

dili na unya ordinaryong empleyado
ma-promote na sigurado

damgo niyang mahimong politiko
mayor, governor, congressman
no way barangay kapitan
dili kuno siya pang-small time

Ako gikuyawan
kay lain ra ba ni og batasan

kusog mangawat sa tindahan
nga panag-iya sa iyang inahan
wala intawoy kalibutan

Inom ug mahjong ang iyang hobby
di ba kaha ni mo-grabe?

ambot lang sa Langaw
dili ra ba ni tiaw-tiaw

motabang kuno siya sa dinaog-daog
sogpuon ang pag-pangawat
sama sa idol niyang si Erap

Dili ko kahibalo kung mokatawa o mohilak
pastilan kung matuman ning iyang damgo
dili ba kaha mi ini maimpatso?

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback