WebClick Tracer

TINGOG SA SUBA: Earth Hour

Angay baya gyun’g suportahan
ang Earth Hour

pero dinhi sa Mindanao
mura’g mahulog ni nga tiaw-tiaw

duha hangtud upat baya ang brown-out
siguro taga-abroad makurat

‘di gyud ni lipat-lipat
hapit na gani mi nangalibat

Sa personal nga bahin
hinaut di ka malain
kay oras sa Earth Hour
ako nag-hagok na

wala na’y suga ning-siga pa
(apil aircon, electric fan switch-off na)
ang ref hunahunaon ko pa
pero walay man pu’y sulod
sultihan ta ‘ka.

Sa tinuod lang
Earth Hour ko permi
panagsa ra mag-tv
kay pulos sa kuryenti

Wala ba ako award niini?
Earth hour gi-practice ko naman permi
bisan mahadlok ko sa total darkness
except sa lunes, martes, miyerkules ug biyernes
ang suga sa akong kuwarto
off permi, sigurado

Pero apil ta sa Earth Hour
dili gyud ni tiaw-tiaw.

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback