TINGOG SA SUBA: Supermoon

Duna ba kaha’y connection ang supermoon
sa super-init karon?

Mura man gud ta’g maka-ingon
kay sa una ing-ini man gihapon

pero kaanindot baya gyud
tuod siya sud-ungon

mura kadako sa naglutaw’ng watermelon
kung dili pa buk-on

Ambot kung nakit-an ba kaha
ni sa kadaghanan intawon

Sigurado ang mga mata
nalansang sa telebisyon
wala’y paki sa natural phenomenon

kadako’ng anugon
wala nila masinati ang
talagsaong higayon.

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments