TINGOG SA SUBA: 2nd Term

Samok pa
kanus-a gud ang politiko
dili mangambisyon og 2nd term

maka-addict baya ang intelligence fund
ug tanang funds nga binuang

mao bitaw’ng daghay gusto’g 2nd,3rd,
4th, 5th, 6th, 7th, 8th term
maayo pa’y linta maibot pa
pero kini sila, dynasty ang tirada

busa pls lang
insakto na ang pag-pakaaron-ingnon
ug pa-hard-to-get kung pangutan-on

luod na maminaw sa drama
kay wala na’y nada
hapit na ta makasoka

pero dili pud nato mabasol
apil ni sa strateheya’ng pa-cute-cute
dili pahalata, pakipot

aong ingnon dili sila hakog sa gahum
ambot sa ok-ok nga itom
2nd,3rd,4th, 5th, 6th, 7th…
mga pinahiping ambisyon.