Nagsugod na’g pamasko mga streetchildren
ang ground floor sa Mall
namulak na og christmas trees
big and small
ang christmas lights sa among silingan
nagsige na’g dagan-dagan
with matching disco sounds
murag mga colored nga Aninipot
usahay makasapot
ang janitor sa opisina
nangayo na og pamaskohan
kalami sikaran
kay halos kada bulan
ako iyang pangayoan
ang radio pud ningsakay sa uso
pero ambot ngano
ang ipatugtog christmas snow
Hellooo! ka-colonial mental ninyo
Sugdan na og hubot-hubot
para sa manita ug manito
way labot ang maldito
nga wala’y dalang regalo
ambot ba ngano’ng ing-ini kasayo
dugang lang hinuon sa gasto
commercialized na gyud kaayo
dili na sagrado.