TINGOG SA SUBA: Kidnapping

Kining pagpangdagit sa Abu
dugay nang problema
Ambot, kung masulbad pa

kaluoy intawon sa mga biktima
maglagot ka sa gidangatan nila

Adunay suggestion niini nga problema
kay hapit naman ang election
unsay maayo nga ang mga kandidato
ang mo-negotiation

ang vp nga gusto mo-presidenti
siguro sa mga rebelde mo-sulti:
himuon ko og Makati
ang inyong territory,
libre’ng sine
ug birthday cake courtesy of Nancy

Kung si Miriam modayon og dagan
sigurado gyud sila ma-yawyawan
wa’y choice, mo-surrender na lang
kay sabaan

ambot kung makasabot ba
pus kaha sila
kay ininglis ra ba

Ayaw kalimti si Asiong Salonga
alyas Erap d’ Estrada
tigas ni siya sa pinosilay
hurot gyud ini mga panuway

Siyempre si Pogi
ug ang iyang amazing story
dala si Janet nga iyang leading lady
mag-pailog sila og kuwarta
nga dili ilaha
di ba kaha ang Abu maloka

Sulbad na unya ang problema
mga Abu mo-evaporate na.

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments