TINGOG SA SUBA: Mindanao, kahadlokan?

Ambot ning atong kaigsoonan
nga taga ka-Maynilaan

nangutana kung kada adlaw
ba kuno dinhi ang patayan
simbako lagong
ambot sa imong ilong

duna po’y taga-media
mao gihapon ang isip-isip nila
kusog mang-hadlok sa magbabasa
kung moanhi, mangayo og close-in security
wa mo k’yapi?

Duna man tuoy krimen dinhia
pero wa magpasabot nga gubot
ang tibuok isla

kung duna may gubot
wa magpasabot nga tibuok
isla adunay giyera

Lami isumbalik sa ila
wala diay krimen sa inyoha?

Sa Mindanao, nagpatigbabaw
gihapon ang kalinaw

Aw,
kung dili moanhi ang torista
pagka-dakong dimalas nila
daghan sila’y ma-miss nga
wala sa ilaha

Unta dili sila maminaw
sa isatoryang walay kuwenta
Ing-ana ra na, Modesta.

Comments

comments