Ang akong maestra niadtong una
gikan sa America, pero Pinay siya
English teacher ug classroom adviser namo siya
pero agriculture ang hilig niya
busa kada hapon
ang vegetable garden
among atimanon
didto ko nakat-on
ang hilig sa pagtanom
pechay, kamatis, talong, batong
gilibutan sa daghang saging
kabugnaw sa kahapunon
For sure lahe na karon
computer na ang atubangon
inside sa classroom nga aircon
dili nako makalimtan si mam
mura siya’g tinuod nako nga inahan
diha’y kausa
gipahulam ko niya og moving camera
puwerti namo’ng lingawa
kay naghimo ko og kaugalingong pelikula
Dugay nang wala si mam
pero kada labay nako sa ilang balay
sa bakante’ng garden ako mohunong
dili kalikayang ako mopahiyom.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)