WebClick Tracer

POETRY: GERA-GERA

Usa ka adlaw nianà,
dinhà ako ing nakità
pundok sa mga batà
lagsik nga nanagdulà
hilabihan kasadyà
hilabihan kabanhà.

Adunay naghupò-hupò,
naa usab nagtagò-tagò
nagpasalipod ulo ray niguhò
sa luyo sa bato nga dakò
samtang ang dagkò-dagkò
kanila maoy nagmandò.

Sa saging nga palwa
o sa kahoy nga sanga
ang gibitbit nila.
Ug dunay usa o duha
armalayt nga plastik ug de-bateriya
ang dala sa ilang gera-gera.

Ngadto sa akong higala
milingi ako ug nangutana,
“Ngano nga ang dulà nila
kanâ man gyong gera-gera?
Nakasabot ba kahâ sila
nga sa tinuod pait ang gera?”

Kanakò siya mitan-aw
sa tinan-awan nga hungaw
ug dayon nanghupaw,
“Unsaon man sab daw
nila pagdulà og kalinaw?
Dilì man nâ makalingaw!”

(Eric S.B. Libre is a Mindanawon freelance development consultant who has done some work in a number of conflict-affected areas of Mindanao and occasionally dabbles in creative writing. He lives in Digos City, and is proud to be a senior citizen.)

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback