Ngano man diay
kung wala na’y Boracay
wala na ba lain, Inday?
Unsaon pataka man sila pang-labay
mga basurang inatay
dili ka ganahan motan-aw
samot na sa dagat mo-kapaykapay
grabe pa ka-mahal presyo panimalay
no-afford si nanay ug tatay
bisan suweldo white-collar
sa tag-iya ipamudmud ang dollar
Nganong dili na lang moadto
sa Camiguin, Britania o Siargao
mas nindot pa,klase-klaseng matan-aw
Bisan minos ang mga sexy
ang importante relax mo dinhi
Pero ampo lang kita
dili musunod ‘ning mga islaha
kay mga Pilipino ra ba
palakasan ug under-the-table
ang tirada
Maong kung ang Boracay
simbako lagong mawala sa mapa
kitang tanan magmahay.
(MindaViews is the opinion section of MindaNews.
Ramon Jorge B. Sarabosing is an artist and yoga and body wind exploration instructor based in Butuan City)