TULA: Ang “Rapist”

Wala nang maapuhap na katinuan
Ang katuwiran sa kaniyang kabaliwan
Na nagngingitngit na sumisigaw,
Tumatagos maging sa kaluluwa…
Mga salitang humihiwa at pumupunit
Sa mahalagang papel ng dangal,
Integridad, at dignidad sa paglilingkod.
Nakasusuka! Nakasusuklam!
Walang alam kundi ang maghasik
Ng poot at paghihiganti,
Nakalilimot sa katotohanan
Na ang tangi niyang katunggali
Ay ang nakaririmarim niyang ugali
Na matagal nang lumalangoy
Sa umaalingasaw na pusali.

(Ang MindaViews ay opinyon seksyon ng MindaNews. Si Abel D. Soto, edD, ay nabibilang sa hanay ng Departamento ng Edukasyon.)

Comments

comments