Asa kita padulong mga higala
Aning hisgutanan bahin sa bakuna
Kay ambot nganong sa tibuok Asya
Naiwit na man ning nasud tang timawa?
Pandamay gayod kining pandemiya
Nga mibalintong ning kalibutan ta
Nagkagoliyang ang tibuok kalibutan
Kay ang virus daw dili gayod mapakgang!
Tuig nang nilabay nga kita gihasi
Ug mga kanasuran karon nagbangi
Kinsay maka-monopoliya sa bakuna
Siempre kinsay adunahan maoy mag-una.
Kaluoy natong mga kabus nga nasud
Mangutang na sab aron makasugakod
Og kompra sa bakuna gikan sa Tsina
Nga matud pa, makadaut ra.
Atubangan sa panggamhanan nga way kaalam
Unsay angayang buhaton aron matagamtam
Ang epektibong proteksyon sa katawhan
Ampo na lang ba ‘ta nga moabot – kalingkawasan?.