WebClick Tracer

BATANG MINDANAW: Pukawa lang ko

mindaviews batang mindanaw

 

Maayong adlaw sa inyong tanan
Aduna koy gusto makab-ot diri sa kalibutan
Pero sa pagkakaron, murag imposible pa man
Busa patuloga ko ninyo hangtod sa katapusan

Pukawa lang ko kung naa nay paglaum
Ang pangandoy nga akong gihandom
Kung ang higayon dili na minghoy
Ug ang pananaw sa tanan dili na dulom

Pukawa lang ko kung nindot na atong kaugmaon
Kanang abi sa tanan, naa na tay padulngan
Kay sa tinuod lang, lami maningkamot kung tul-id ang dalan
Busa sa karon, papiyonga lang sa ang gikapoy sa ilang giagian

Pukawa lang ko kung maayo na atong sitwasyon
Kung pwede na muaginod ug balik sa atong trabaho-onon,
Karon, hapit na mahurot ang atong mga kusog
I-ampo nalang sa nato ni, basin diay madungog

Pero maskinag unsaon, dili man ko makatulog
Gustuhon man nako pero ang duka wa pa man nidulog
Nakapiyong akong mata pero gadagan akong huna-huna
Gahinuktok sa hangin, gahuna-huna unsay nawong sa ugma

Gusto ko matulog
Kay lisod pa magmata sa kamatuoran
Na kining tanan wala pay kasiguraduhan
Kung makatulog ko, pukawa lang ko inig hayag na
Pukawa lang ko kung ang atong kalibutan hapsay na

(Batang Mindanaw is the youth section of MindaNews. Harvey Spence P. Kentilitisca is a third-year AB Psychology student at the Ateneo de Davao University. He dreams of becoming a clinical psychologist in the next five years.)

 

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback