Sila nga mga tigmatutô
sa kaliwatan
sa miagi, sa kasamtangan
ug sa kahangtoran,
kansang mga laylay, gakós,
halók ug pag-antos
mao ang nag-umol
sa kapid-ang kasingkasing ug kalag,
naghatag og dan-ag
sa mga palasyo ug payag.
Sila mao ang nag-ugbok
ug sila ang nagpalig-on
sa mga pundasyon
ning katilingbang tawhanon.
Sila ang mga inahan,
ang mga bayaning hilom
ug usahay hingkalimtan intawon.