WebClick Tracer

HABAGATNONG HINAGAWHAW: Pahimatngon

mindaviews libre

Sugod na pod ang kagahob,
antos na sab ta sa kaalingugngog
sa daghang mag-iyahay og pasiatab
nga kuno kanato andam moalagad.

Dili unta ta magpasagad,
tarongon ta pag-ayag —
basin pa kita makakaplag
kanang ligdong mangalagad.

Unta dili na ta malingla
nianang mga hawod ra mamolitika
kang kinsa ang pagpanggamhanan
gihimo rang negosyo ug panginabuhian.

Isalikway ta ug pilion dili
kanang moestorya nga morag sa patay makabuhi
apan hawod sa binuhatang hiwi
ug kon modaog, batasan mora nag hari.

Likayan ta kanang manghatag natog suborno
aron nga ihatag ta kanila ang atong boto
kay lagmit kon makalingkod na sila sa puwesto
abtik sab manikwat ug mangayog suborno.

Daghan gyod ang angay matngonan
kay alang sa atong kaugmaon man
ug hasta na sa atong kabataan,
dili ni angay komedya-komedyahan.

Eric S.B. Libre
25 Enero 2022

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback